Receta

Pulë me përshesh me bukë misri nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 20 Dhjetor, 12:19 | Përditesimi: 20 Dhjetor, 12:21

Pulë me përshesh me bukë misri

Përbërësit:

1 pulë
100 gr gjalpë
Nenexhik
Kripë, piper
Qepë të njoma
Bukë misri
Vaj luledielli
Cipë limoni

Për bukën e misrit:

LEXO EDHE:
Boçe pishe, ëmbëlsirë e Krishtlindjes nga zonja Albana

3 filxhan çaji miell misri
2 filxhan çaji kos
2 vezë
1½ filxhan çaji vaj ulliri
Sodë bukë

Përgatitja:

Fillimisht lajmë pulën, e lëmë të kullojë dhe më pas e fshijmë me letër kuzhine. Me lëkurën e limonit lyejmë pulën. Hapim lëkurën dhe pastrojmë pjesën e brendshme me kartopecetë që të mos ketë lëngje. E lyejmë pulën me vaj luledielli dhe e vendosim në furrë me kapak në 210 gradë dhe më pas e ulim temperaturën. Me lëngun që lëshon e lyejmë herë pas here. Nga fundi i pjekjes largojmë kapakun që pula të marrë ngjyrën e kuqërremtë. Përgatisim përsheshin. Vendosim në një tigan të madh, gjalpin dhe qepët e njoma dhe i kaurdisim. Sapo të ulet vëllimi i qepëve hedhim kripën. Bukën e misrit e bëjmë copëza-copëza dhe e kalojmë pak në tigan. Më pas shtojmë lëngun e mishit që ka mbetur në tavë. Shtojmë qepët e njoma dhe nenexhik, e trazojmë mirë duke e lënë me pak lëng dhe yndyrë.

MC/Shqiptarja.com

TAG: